Minsk uvajšoŭ u top samych tannych dla žyćcia haradoŭ Jeŭropy

Analityčny servis Numbeo uklučyŭ biełaruskuju stalicu ŭ śpis samych tannych dla žyćcia haradoŭ Jeŭropy. A samyja darahija dla žyćcia — šviejcarskija harady, piša Myfin.by

26.01.2024 / 19:40

Minsk. Fota z sacsietak

Dniami analityčnaja płatforma Numbeo abnaviła rejtynh haradoŭ śvietu pa canie žyćcia ŭ ich. Minsk u hłabalnym śpisie apynuŭsia na 334-j pazicyi z 362 haradoŭ.

Akramia taho, ekśpierty nazvali samyja darahija i tannyja dla žyćcia harady Jeŭropy. U abnoŭlenym śpisie — 173 pazicyi.

Rasijski horad Pierm i biełaruskaja stalica ŭznačalvajuć rejtynh samych tannych haradoŭ: indeks koštu žyćcia ŭ ich akazaŭsia adnolkavym — 27,9. Praciahvajuć śpis harady Ukrainy i Rasii. U pieršaj dziasiatcy, da prykładu, adznačylisia Lvoŭ (indeks koštu žyćcia — 28, 4), Rastoŭ-na-Donie (28, 6), Ufa (29, 8).

Traplańnie Minska ŭ śpis samych tannych jeŭrapiejskich haradoŭ šmat u čym abumoŭlena skaračeńniem kolkaści analizavanych nasielenych punktaŭ. U papiarednim daśledavańni (leta 2023 hoda) razhladałasia košt žyćcia ŭ 244 haradach Jeŭropy, i Minsk tady apynuŭsia za miežami pieršaj dvaccatki samych tannych haradoŭ.

Samymi darahimi haradami Jeŭropy ŭ 2024 hodzie pryznanyja šviejcarskija Ciurych (indeks koštu žyćcia — 122,2), Bazel (121,8), Łazana (117,9), Ženieva (109,6), Biern (107,6). U top-10 taksama ŭvajšli isłandski Rejkjavik (89,4), narviežskija Tranchiejm (86,3), Bierhien (85,2) i Stavanhier (82,8), brytanski Łondan (81,9).

Samy vysoki indeks arendnaj płaty zafiksavany ŭ Łondanie, a samaja tannaja arenda žylla — va Ufie. Kupla praduktaŭ charčavańnia daražej za ŭsio abyjdziecca ŭ Bazieli i Ciurychu. Najmienšaje značeńnie praduktovaha indeksa — u Rastovie-na-Donie, Samary, Krasnadary i Minsku.

Što tyčycca suśvietnaj dziasiatki samych darahich haradoŭ, to jana takaja:

• Hamiltan (Biermudskija astravy);
• Ciurych (Šviejcaryja);
• Bazel (Šviejcaryja);
• Łazana (Šviejcaryja);
• San-Chase (ZŠA);
• Ženieva (Šviejcaryja);
• San-Francyska (ZŠA);
• Biern (Šviejcaryja);
• Vašynhton (ZŠA);
• Ńju-Jork (ZŠA).

Najtańniejšyja ž — try pakistanskija harady: Isłamabad, Łachor i Karačy.

Čytajcie taksama:

Navapołack, Baranavičy, Homiel — samyja represavanyja harady Biełarusi

«Hałoŭnaje, čaho nam nie chapaje — jeŭrapiejskich haradoŭ». Rasijskija turapieratary raskazali, čamu rasijan vabić zachodniaja Biełaruś

Jaki horad žychary Biełarusi ličać najlepšym dla žyćcia? Spojler: heta nie Minsk

Nashaniva.com