Алейнік агучыў паслу Палесціны пазіцыю наконт сітуацыю ў сектары Газа
Сёння міністр замежных спраў Беларусі Сяргей Алейнік правёў сустрэчу з надзвычайным і паўнамоцным паслом Палесціны Ахмедам Махамедам Аль-Мадбухам.
24.11.2023 / 16:43
Ахмед Махамед аль-Мадбух. Фота: МЗС
«Сяргей Алейнік праінфармаваў А. М. Аль-Мадбуха аб паслядоўнай пазіцыі Беларусі па блізкаўсходнім урэгуляванні, якую краіна прасоўвае на міжнародных пляцоўках і ў рамках інтэграцыйных аб'яднанняў. У прыватнасці, міністр акцэнтаваў увагу пасла на адзінай пазіцыі дзяржаў — членаў АДКБ аб неабходнасці спынення кровапраліцця і мірнага ўрэгулявання блізкаўсходняга канфлікту палітыка-дыпламатычнымі сродкамі на аснове рэзалюцый ААН шляхам стварэння дзвюх дзяржаў для двух народаў», — гаворыцца ў паведамленні МЗС.
Чытайце таксама:
У сектары Газа ўступіла ў сілу пагадненне аб спыненні агню
Ізраіль і ХАМАС нарэшце абвясцілі пра часовае перамір'е — праз паўтара месяцы з пачатку вайны
У Мінск прыляцеў гуманітарны рэйс з беларусамі з сектара Газа