Беларусь зноў павысіла цэны на масла для расіян. Трэці раз за тыдзень
28.10.2023 / 12:01
Павышэнне мінімальных экспартных цэн прадугледжана пастановай Мінсельгасхарча, якая апублікавана на Нацыянальным прававым партале, заўважыў Office Life.
Гэта трэцяе павышэнне цэн на масла за тыдзень. Спачатку яны выраслі з 20 кастрычніка, затым з 25 кастрычніка, а цяпер новыя цэны прадугледжаныя з 28 кастрычніка. Дарэчы, да гэтага павелічэнне цэн на масла для расійскага рынку было 12 кастрычніка.
Кожны раз мінімальная цана за кілаграм павышалася на 10 расійскіх рублёў (на сёння — 34 беларускія капейкі).
У выніку масла ад 80% тлустасці падаражэла да 510 расійскіх рублёў за кілаграм (сёння — 17 рублёў), а менш тлустае — да 460 рублёў (15,7 рубля).
На 10 расійскіх рублёў выраслі і мінімальныя экспартныя цэны на малако і згушчаныя вяршкі. Цяпер яны каштуюць ад 295 расійскіх рублёў за кілаграм (10 беларускіх рублёў).
Чытайце таксама: