Названая цана самай дарагой кватэры ў Мінску, прададзенай з пачатку года
Самая каштоўная ўгода была зроблена з кватэрай у жылым комплексе каля плошчы Перамогі — на вуліцы Кісялёва.
19.07.2023 / 14:54
Ілюстрацыйнае фота «Наша Ніва»
Дзяржкаммаёмасць назвала кошт самай дарагой кватэры, прададзенай у Мінску з пачатку 2023 года.
Самая каштоўная ўгода была зроблена з кватэрай у жылым комплексе каля плошчы Перамогі — на вуліцы Кісялёва.Чатырохпакаёвае жыллё агульнай плошчай 124,1 «квадрата» абышлося ўладальніку ў $486 000 і пабіла папярэдні рэкорд кошту на рынку, піша «Спутнік».
Цікава, што ў жылым комплексе на Кісялёва з красавіка па чэрвень уключна было прададзена яшчэ дзве кватэры. Кошт метра ў іх склаў ад 3680 да 4300 даляраў у эквіваленце.
У цэлым жа агульная плошча прададзеных за другі квартал 2023 года кватэр склала 220 тысяч квадратных метраў, грашовы абарот ад іх продажу склаў $293 млн.
Колькасць угодаў за першае паўгоддзе практычна склала 7, 5 тысячы, найбольшы попыт зарэгістраваны ў чэрвені — 1469.
За ўвесь мінулы год было прададзена амаль 15 тысяч кватэр у беларускай сталіцы.
Чытаце таксама:
У Мінску і Гродне попыт на кватэры б'е рэкорды. Чаму так адбываецца?
У Мінску прадаецца неблагая кватэра за $31 000. Што не так
У мінскім Уруччы нарэшце зносяць нічыйны катэдж, які стаяў закінуты 20 гадоў