Расіяне ноччу запусцілі па Украіне 13 крылатых ракет: усе знішчаныя
Сілы супрацьпаветранай абароны Украіны ўначы 23 чэрвеня знішчылі ўсе 13 крылатых ракет Х-101/х-555 і разведвальны беспілотнік, якімі атакавалі тэрыторыю Украіны.
23.06.2023 / 08:15
Фота: armiflot.ru
Уначы 23 чэрвеня праціўнік нанёс удар па Украіне з самалётаў стратэгічнай авіяцыі. На гэты раз атака была накіравана на ваенны аэрадром у Хмяльніцкай вобласці.
Пускі ажыццяўляліся каля апоўначы з Каспійскага мора з 4-х бамбардзіроўшчыкаў Ту-95МС, піша «Украінская праўда».
Усе 13 крылатых ракет Х-101/х-555 былі знішчаныя супрацьпаветранай абаронай, большасць у Хмяльніцкай вобласці.
Акрамя таго, па даных паветраных сіл, украінскія абаронцы знішчылі варожы разведвальны БпЛА не ўстаноўленага тыпу.