Žančynu asudzili na hod kałonii za repost publikacyi z vyjavaj nadmahilla Łukašenki
U sudzie Chocimskaha rajona asudzili Alaksandru Chomčanku pavodle č. 1 art. 368 (abraza Łukašenki) Kryminalnaha kodeksa. Suddzia Alesia Parfianienka pryznačyła Alaksandry hod kałonii.
09.06.2023 / 14:16
Alaksandru abvinavacili ŭ tym, što jana, ubačyŭšy ŭ sacsietcy «Adnakłaśniki» abraźlivuju publikacyju pra Łukašenku, padzialiłasia joju na svajoj staroncy.
Publikacyja źmiaščała vyjavu nadmahilnaj plity z fotazdymkam Łukašenki i niehatyŭny tekst pad joj. Jak paviedamiła na sudzie žančyna, tekst pad publikacyjaj padaŭsia joj zabaŭnym, tamu jana pastaviła jamu adznaku «kłas» i zrabiła repost na svaju staronku.
Žančyna całkam pryznała svaju vinu i raskajałasia ŭ ździejśnienym.
Alaksandra maje siaredniuju śpiecyjalnuju adukacyju, biespracoŭnaja.