«Kreatyŭny art-abjekt». Vodanapornuju viežu ŭ Žabincy pafarbavali ŭ kolery čyrvona-zialonaha ściaha
Ale admietnyja nie tolki novyja kolery vodanapornaj viežy ŭ Žabincy, ale i toje, jak heta padajuć miascovyja miedyja.
09.06.2023 / 10:53
Fota: telehram-kanał «Žabinka aktualna»
Pra čyrvona-zialonuju afarboŭku napisaŭ telehram-kanał «Žabinka aktualna».
Ideju nazyvajuć «kreatyŭnaj» i pišuć, što vodanapornaja vieža stała «vyraznym art-abjektam, jaki pryvablivaje ŭvahu ŭsich, chto prachodzić mima».
«Kolery dziaržaŭnaha ściaha Respubliki Biełaruś — čyrvony, zialony — byli pa-majstersku vykarystany dla stvareńnia pryvabnaha i jarkaha dyzajnu na vodanapornaj viežy. Kožny koler simvalizuje peŭnyja kaštoŭnaści i ideały našaj dziaržavy.
Takoje pieraŭtvareńnie hetaha abjekta nie tolki pryciahvaje ŭvahu žycharoŭ i haściej horada, ale i słužyć važnym znakam nacyjanalnaj identyčnaści.
Hety art-abjekt staŭ jaskravym prykładam taho, jak mastactva moža sumiaščacca z funkcyjanalnaściu zvyčajnych horadabudaŭničych abjektaŭ, pieratvarajučy ich va ŭnikalnyja i ŭražalnyja elemienty haradskoha łandšaftu», — piša kanał.
Možna było b padumać, što heta žart, ale «Žabinka aktualna» — prajekt bresckaha telebačańnia «Łahuna TB». Jano pracuje z 2019 hoda i maje ŭ łahatypie čyrvony i zialony kolery.