Akupavanaja rasiejcami Kinburnskaja kasa całkam adrezanaja. Heta daje šaniec dla Ukrainy
Jak paviedamlaje Paŭdniovy ofis dziaržpradpryjemstva «Lasy Ukrainy», Kinburnskaja kasa, jakaja ŭtrymlivajecca rasiejskaj armijaj u nižnim ciačeńni Dniapra adrezanaja — u pryvatnaści, całkam zatoplenaja daroha, jakaja złučała paŭvostraŭ z macierykom.
08.06.2023 / 07:14
Fota: sud.ua
Kinburnskaja kasa — adzinaje miesca ŭ Mikałajeŭskaj vobłaści Ukrainy, jakoje dahetul zastajecca pad rasiejskaj akupacyjaj, piša Bi-bi-si.
«Pa stanie na viečar 07.06 u rajonie vioski Hierojskaje daroha, jakaja źviazvała paŭvostraŭ z macierykom, całkam zatoplenaja — Kinburn adrezany ad vialikaj ziamli», — havorycca ŭ paviedamleńni dziaržpradpryjemstva. Pa źviestkach viedamstva, z kasy da macieryka naziemnym transpartam dabracca ŭžo niemahčyma.
Akramia taho, pradpryjemstva, spasyłajučysia na źviestki aŭtamatyzavanaj sistemy «pažary», apaviaščaje pra maštabnyja lasnyja pažary na paŭvostravie.
Adrazu paśla vyzvaleńnia Chiersona ŭkrainskimi siłami letaś źjavilisia razmovy, što na čarzie i vyzvaleńnie Kinburnskaj kasy. Adnak u nastupnym nijakaj kankretyki pra stanovišča na kasie ŭ publičnaj prastory nie paviedamlałasia.
Jak miarkuje vajskovy ahladalnik Rasijskaj słužby Bi-bi-si Illa Abišaŭ, praryŭ Kachoŭskaj płaciny adkryvaje novyja mahčymaści dla vajuiučaha boku, jaki vałodaje inicyjatyvaj, — a ŭ hety momant heta vidavočna Ukraina.
«Pierš za ŭsio, źjaŭlajecca šaniec vysadzicca i ŭziać pad kantrol Kinburnskuju kasu — paŭvostraŭ pamiž Čornym moram i Dniaproŭskim zalivam, a taksama vyspy ŭ delcie Dniapra. Rasijejskaj armii budzie vielmi ciažka abaraniać hetyja terytoryi praz prablemy z zabieśpiačeńniem — vielmi vialikaje plačo, a tut jašče i patop», — adznačaje ahladalnik.