«Heta byŭ dzień ščaścia»: Zialenski raspavioŭ pra prapanovu partnioraŭ pa F-16
Prezident Ukrainy adznačyŭ, što Kijeŭ atrymaje ad mižnarodnych partnioraŭ «mahutnuju kolkaść» sučasnych źniščalnikaŭ F-16.
07.06.2023 / 06:36
Uładzimir Zialenski na pres-kanfierencyi 6 červienia. Fota: Ofis prezidenta Ukrainy
«Na siońnia apošniaja naša važnaja sustreča (była) u Małdovie, dzie ja mieŭ zakrytuju sustreču z krainami, jakija dakładna pacvierdzili, što daduć nam F-16. Dziela hetaha nam treba sumiesnaje ŭzhadnieńnie razam, z ZŠA», — skazaŭ Uładzimir Zialenski na pres-kanfierencyi 6 červienia.
Kiraŭnik dziaržavy adznačyŭ, što nie moža ahučvać padrabiaznaści, u pryvatnaści adnosna kolkaści źniščalnikaŭ, ale zapeŭniŭ, što atrymaŭ ad niekatorych jeŭrapiejskich partnioraŭ razumieńnie, što kolkaść budzie mahutnaja.
«U mianie byŭ prosta dzień ščaścia. Bo časam, vy viedajecie, štości treba pa adnym, pa dva (samaloty) niejak damaŭlacca, a tut było surjoznaja, mahutnaja prapanova. Važna, kab hetaja kaalicyja na papiery była damoŭlenaściu na Ramštajnie abo na inšaj płatformie, daj boh, kab my heta dacisnuli i tady pačniecca padrychtoŭka ŭsioj infrastruktury i heta nie chutka».
U toj ža čas Zialenski dadaŭ, što ŭ pavietranych sił USU jość razumieńnie adnosna infrastruktury dla F-16, a kamandujučy pavietranych sił Mikałaj Alaščuk «viedaje, dzie i što rabić».
Čytajcie taksama:
Ukraina nie budzie vykarystoŭvać źniščalniki F-16 letam — Reźnikaŭ
Na pastaŭku źniščalnikaŭ F-16 va Ukrainu sydzie ŭ najlepšym vypadku niekalki miesiacaŭ