У Новай Тавалжанцы забіты расійскі палкоўнік, кіраўнік аператыўнай групоўкі «Белгарад»
Галоўнае ўпраўленне разведкі (ГУР) сцвярджае, што ў Новай Тавалжанцы забіты Андрэй Стэсеў — кріаўнік аператыўнай групоўкі расійскай арміі «Белгарад». Раней ён камандаваў 104-м дэсантна-штурмавым палком ПДВ РФ.
05.06.2023 / 22:14
У падраздзяленнях «Рускі Добраахвотніцкі корпус»(РДК) і легіёнк «Свабода Расіі», якія ваююць на баку Украіны, пацвердзілі гэта.
У легіёне «Свабода Расіі» сцвярджаюць, што Стэсеў «загінуў у стралковым баі, як афіцэр са зброяй у руках».
У канале РДК з'явілася фота ваеннага білета палкоўніка Стэсева.
З 2017 па 2019 год Стэсеў камандаваў элітным падраздзяленнем ПДВ — 31-й асобнай гвардзейскай дэсантна-штурмавой брыгадай. Затым ён сышоў на павышэнне ў штаб ПДВ, пісалі СМІ.
Стэсеў удзельнічаў у войнах у Чачні, Абхазіі, Югаславіі і Украіне, сцвярджае РДК.
Паводле РДК, яго байцы ўжо некалькі дзён ўтрымліваюць Новую Тавалжанку. Страту пасёлка прызнаў губернатар Белгародскай вобласці Вячаслаў Гладкоў. Падчас прамога эфіру з адказамі на пытанні мясцовых жыхароў ён сказаў, што ўлады не могуць увайсці ў сяло.
Чытайце таксама:
Падаляк заявіў, што Масква «адбівае глабальны наступ, якога яшчэ няма»
Мінабароны Украіны назвала эпіцэнтрам баёў не той кірунак, пра які пішуць расіяне