Святлана Ціханоўская сустрэлася з прэзідэнтам Аўстрыі
Сёння Святлана Ціханоўская пачала працоўны візіт у Аўстрыю, дзе сустрэлася з прэзідэнтам краіны Аляксандрам ван дэр Беленам, паведамляе прэс-служба Ціханоўскай.
05.06.2023 / 21:41
Святлана Ціханоўская сустрэлася з прэзідэнтам Аўстрыі Аляксандрам ван дэр Беленам
Ціханоўская прапанавала Аўстрыі прыняць захады, каб мясцовыя кампаніі спынілі супрацу з рэжымам і падтрымлівалі беларускія кампаніі ў выгнанні.
Бакі абмеркавалі падтрымку праваабаронцаў, дапамогу ў падрыхтоўцы спецыялістаў і распрацоўцы рэформаў для новай Беларусі. Таксама гаварылі пра размяшчэнне ядзернай зброі ў Беларусі, узмацненне ціску на палітвязняў, паўзучую акупацыю Беларусі Расіяй.
У 2019 годзе з ім сустракаўся Аляксандр Лукашэнка падчас візіта ў Аўстрыю.
Чытайце таксама:
Аўстрыя — аплот уплыву Масквы ў Заходняй Еўропе. Пра гэта сведчаць матэрыялы шпіёнскай справы