Дзве расійскія ракеты трапілі ў аэрадром каля Крапіўніцкага
Спікер Паветраных сіл Украіны не распавёў пра наступствы, але адзначыў, што трэба ўзмацняць усю Украіну СПА.
04.06.2023 / 11:38
ТУ-95МС, які атакавалі Украіну ў ноч на 4 чэрвеня. Фота Мінабароны Расіі
Дзве расійскія крылатыя ракеты ўначы на 4 чэрвеня патрапілі ў аператыўны аэрадром паблізу Крапіўніцкага, паведаміў спікер паветраных сіл Юрый Ігнат, піша «Украінская праўда».
«Крылатыя ракеты ўсё не знішчылі, знішчаныя чатыры з шасці. На жаль, трапілі ў аператыўны аэрадром паблізу Крапіўніцкага», — сказаў Ігнат.
Ігнат не распавёў пра наступствы, але адзначыў, што трэба ўзмацняць усю Украіну СПА
Таксама ён дадаў, што ў Сумскай вобласці ёсць паражэнне аб'ектаў інфраструктуры.
Чытайце таксама:
Расія на Сёмуху атакавала Кіеў беспілотнікамі і ракетамі
У выніку расійскага ўдару па Дняпры загінула двухгадовая дзяўчынка