«Miersi, Miesi». PSŽ aficyjna abviaściŭ pra sychod Lea
Ciapier užo kančatkova i dakładna: Łijaniel Miesi sychodzić z PSŽ. Pra heta kłub abviaściŭ u sacyjalnych sietkach.
03.06.2023 / 20:35
«Kłub chacieŭ by ciopła padziakavać siamirazovamu ŭładalniku «Załatoha miača». «Pary Sen-Žermien» hanarycca tym, što atrymaŭ u svajo rasparadžeńnie najlepšaha hulca ŭ historyi, i zyčyć Lea jašče bolšych pośpiechaŭ da kanca jaho karjery», — havorycca ŭ zajavie PSŽ.
Miarkujecca, što Miesi vyjdzie siońnia apošni raz u składzie PSŽ u matčy suprać «Klermona».
Lea pryjšoŭ u paryžski kłub uletku 2021 hoda paśla 18 siezonaŭ u «Barsiełonie».
Za PSŽ Miesi zhulaŭ 74 matčy, zabiŭ 32 hały i zrabiŭ 35 vynikovych pieradač, dvojčy staŭšy čempijonam Francyi.
Ciapier hałoŭnaja intryha, kudy adpravicca 35-hadovy arhienciniec. Jon moža viarnucca ŭ «Barsiełonu», adpravicca ŭ «Inter» u Majami abo pierabracca ŭ Saudaŭskuju Araviju.