У Індыі з-за сутыкнення цягнікоў загінулі дзясяткі чалавек, сотні пацярпелі
Пасажырскі цягнік сышоў з рэек і сутыкнуўся з грузавым побач з індыйскім горадам Баласор у 19:20 па мясцовым часе. Цягнік накіроўваўся з Калькуты ў Чэнай.
02.06.2023 / 21:00
На месца здарэння прыбылі 50 машын хуткай дапамогі, медработнікі з суседніх гарадоў, больш за сотню членаў нацыянальных сіл па ліквідацыі наступстваў стыхійных бедстваў.
Прычыны інцыдэнту расследуюць мясцовыя праваахоўныя органы.
Колькасць ахвяр дакладна невядомая. Называецца папярэдне, што загінулі 50 чалавек, больш за 350 пацярпелі.