«Значыць, не лёс». Анатоля Шумчанку не ўзялі кіроўцам на «хуткую»
У аб'яве пра вакансіі, якая размешчана на сайце па пошуку працы, указаны заробак — ад 800 да 1000 рублёў пры адсутнасці досведу работы і наяўнасці вадзіцельскіх правоў катэгорыі «B».
02.06.2023 / 12:44
Анатоль Шумчанка. Фота з інстаграма
Анатоль Шумчанка, піша «Народная Воля», ужо даўно шукае працу, адгукнуўся на прапанову. І тут жа атрымаў культурную адмову.
Фота Анатоля Шумчанкі
«Цалкам відавочна, што прычынай адмовы ў працы, па прадстаўленых вакансіях, куды я ўвесь час звяртаюся час ад часу — з'яўляюцца не мае прафесійныя навыкі і якасці, а мінулая грамадска-палітычная дзейнасць, — выказвае сваё меркаванне Анатоль. — Учора я адгукнуўся на вакансію кіроўцы «хуткай дапамогі», а сёння прыйшла адмова. Характэрна, што там досвед не патрабаваўся, заробак невысокі (800 рублёў), наяўнасць правоў катэгорыі «В» у мяне маецца. Хацеў паслужыць людзям, ратуючы іх, хай і такім чынам, але, значыць, не лёс … »
Апошні год лідар прадрымальнікаў марна шукае працу. Яго нікуды не бяруць.
Чытайце таксама: