«Абаранілі ад мяне, малайцы». Віктара Шандаровіча не пусцілі ў Грузію
Знакамітаму сатырыку і праціўніку вайны ва Украіне не далі дазволу на ўезд у Грузію. Выступы ў Тбілісі і Батумі адмененыя, паведаміў Шандаровіч у сацсетках.
02.06.2023 / 10:48
Кніга Віктара Шандаровіча, абвешчанага замежным агентам у Расіі. Фота з яго фэйсбука
«Мяне не пусцілі ў Грузію. Канцэртаў у Тбілісі і Батумі не будзе. Дзясяткі сяброў, сотні гледачоў, тэрапеўтычны смех, пяць пудоў узаемнай любові, сотня надпісаных кніг і тыдзень майго гастранамічнага шчасця — нічога гэтага не будзе.
Свята адмененае без тлумачэнняў групай ананімаў з грузінскага МУС. Абаранілі Грузію ад мяне, малайцы. Ну, не ад мяне першага…
Назваць Грузію пры Іванішвілі пуцінскай правінцыяй я не рызыкну, але праца ў гэтым кірунку вядзецца, ці не праўда? …
У 2006 годзе, у разгар ганебнай антыгрузінскай кампаніі і дэпартацый, я разам з сотнямі іншых масквічоў выходзіў на мітынг пратэсту на Пушкінскую плошчу са значком на грудзях — «я грузін»…
Як высвятляецца ўжо з маёй дэпартацыі (з Тбілісі), — грузін я ўсё ж такі недастатковы. Смешна атрымалася», — напісаў Шандаровіч.
Сатырык пакінуў Расію ў студзені 2022 года.
Чытайце таксама: