«Padorym leta dzieciam palitviaźniaŭ». Zastałosia sabrać 1180 jeŭra
Praciahvajecca zbor hrošaj na letni adpačynak dzieciam palitviaźniaŭ. Zastałosia sabrać zusim krychu.
01.06.2023 / 16:06
Kožnaje dzicia atrymlivaje padarunki na sumu, ekvivalentnuju 100 jeŭra.
«U Biełarusi ŭsio jašče jość vializnaja kolkaść palityčnych źniavolenych i byłych palitviaźniaŭ, u mnohich ź jakich jość dzieci. Ci varta kazać, što srodkaŭ, jakija moža zdabyć adzin z baćkoŭ, a časam i tolki babuli ci dziaduli, ledź chapaje na pakryćcio pobytavych vydatkaŭ.
My chočam padaryć dzieciam, jakija i tak pieražyvajuć vializny stres ad rasstańnia z baćkami, momanty radaści.
Sabranyja srodki pojduć na dapamohu ŭ arhanizacyi letniaha adpačynku dla dziaciej palitviaźniaŭ i ludziej, jakija vyzvalilisia z turmy:
- ekskursii, vandroŭki, padarožžy, dziciačyja letniki;
- adukacyjnyja hurtki pa šachmatach, malavańni i inš.;
- spartyŭnyja siekcyi: basiejn, tenis, futboł;
- ryštunak dla hulniaŭ: miačy, krasoŭki, hulni, samakat, rovar, roliki, pendźli, vatman.
Na kožnaje dzicia budzie vydzielena suma 100 jeŭra», — paviedamlaje fond «Bajsoł».
Pa stanie na 16:00 1 červienia sabrana 25 320 jeŭra ź nieabchodnaj sumy 26 500 jeŭra. 186 dziaciej z 265 užo atrymali vypłaty, paviedamiŭ Andrej Stryžak.
U kancy 2022 hoda «Bajsoł» abviaščaŭ zbor na kaladna-navahodnija padarunki dzieciam palitviaźniaŭ, i prajekt byŭ paśpiachova realizavany.