Ałovak Hitlera źbirajucca pradać amal za 100 tysiač jeŭra
Ałovak Adolfa Hitlera chutka źbirajucca pradać na aŭkcyjonie. Košt hetaha pradmieta moža dasiahnuć amal 100 tysiač jeŭra, paviedamiła 29 maja ahienctva The Guardian. Heta byŭ padarunak ad Jevy Braŭn, padorany Hitleru pierad uvarvańniem u SSSR.
30.05.2023 / 23:07
Ałovak Adolfa Hitlera ź jaho ŭłasnymi inicyjałami i słovam Eva na kancy nieviadomaha nadpisu zboku. Heta byŭ padarunak ad Jevy Braŭn, kachanki Hitlera. Fota: Bloomfield Auctions/Kelvin Boyes/PressEye/PA
6 červienia na aŭkcyjonie Bloomfield Auctions u Biełfaście buduć pradavać pasiarebrany ałovak, jaki naležaŭ kiraŭniku nacysckaj Hiermanii Adolfu Hitleru. Miarkujecca, što heta byŭ padarunak ad jahonaj kachanki Jevy Braŭn, jaki žančyna zrabiła fiuraru na jahony 52-y dzień naradžeńnia 20 krasavika 1941 hoda, niezadoŭha da niamieckaha ŭvarvańnia ŭ SSSR.
Ałovak zboku maje nadpis na niamieckaj movie, jaki kančajecca na «Eva». Taksama na ałoŭku dobra bačnyja litary AH — ułasnyja inicyjały Adolfa Hitlera.
«U bolšaści svajoj asabistaja pryvabnaść Hitlera padčas jaho dyktatury pachodziła ź jaho staranna sfarmavanaha vobrazu jak baćki niamieckaj nacyi, jaki staviŭ łajalnaść da svajoj krainy vyšej za asabistyja suviazi. Tamu hety znak kachańnia ŭ vyhladzie piersanalizavanaha ałoŭka ad Jevy Braŭn dapamahaje raskryć tuju asobu, jakaja staić za publičnym fasadam Hitlera», — adznačyŭ Karł Bieniet, dyrektar aŭkcyjonnaha doma, dzie źbirajucca pradavać ałovak.
Pavodle acenak, košt hetaha ałoŭka budzie varjiravacca ad 57 da 92 tysiač jeŭra. Čakajecca, što takoj rečču zacikaviacca kalekcyjaniery z usiaho śvietu.
Akramia ałoŭka, na aŭkcyjonie taksama buduć pradavacca takija histaryčnyja pradmiety, jak aryhinalnaja fatahrafija Hitlera ź jaho ŭłasnym aŭtohrafam i redki rukapisny akt pamiłavańnia irłandskich paŭstancaŭ z boku brytanskaj karalevy Viktoryi, padpisany ŭ 1869 hodzie.
Čytajcie taksama:
Narešcie prydumali, što rabić z domam, dzie naradziŭsia Hitler
Muzyčny katałoh Queen moža być pradadzieny za ašałamlalnuju sumu — CNN