Ва ўкраінскіх гарадах адбываюцца экстранныя адключэнні святла
Адразу з некалькіх украінскіх рэгіёнаў прыходзяць паведамленні аб адключэннях святла. У Кіеве праблемы з электрычнасцю зафіксаваныя ў Шаўчэнкаўскім, Саломенскім, Святошынскім, Галасееўскім, Абалонскім і Дарніцкім раёнах, піша Бі-бі-сі.
30.05.2023 / 15:34
Сёння ўначы Расія зноў абстраляла Украіну «Шахедамі»
Святло таксама знікла ў Харкаўскай вобласці, часткова — у Днепрапятроўскай вобласці, у Палтаве і Адэсе (там паведамляюць пра аварыю на лініі электраперадач).
Афіцыйна прычыны такога маштабнага адключэння святла пакуль не называюцца.
З 2022 года Расія атакуе энергетычную структуру Украіны, што прыводзіць да адключэнняў цяпла і святла. Пры гэтым у сакавіку гэтага года кіраўнік Нацыянальнай энергакампаніі «Укрэнерга» Вадзім Кудрыцкі казаў, што вясной і летам сітуацыя з электраэнергіяй ва Украіне будзе стабільнай.
«У найбліжэйшыя шэсць месяцаў у нас у энергасістэме будзе дастаткова электраэнергіі для пакрыцця патрэбаў спажыўцоў, — заявіў Кудрыцкі ў эфіры ўкраінскага тэлебачання. — Украінская энергасістэма з'яўляецца часткай еўрапейскай, а значыць, мы будзем мець магчымасць імпартаваць электраэнергію, калі нам не будзе хапаць сваёй — і гэта вельмі важны фактар энергетычнай бяспекі краіны».
Чытайце таксама:
Чарговая начная атака на Кіеў. Паветраная трывога доўжылася амаль тры гадзіны