Kiraŭnik vybarkama Turcyi aficyjna abviaściŭ pieramohu Erdahana ŭ druhim tury prezidenckich vybaraŭ
Kiraŭnik vybarkama Turcyi Achmiet Jenar abviaściŭ pra pieramohu Redžepa Erdahana na prezidenckich vybarach u Turcyi.
28.05.2023 / 22:57
Pa vynikach padliku bolš za 99% biuleteniaŭ u druhim tury vybaraŭ prezidenta Turcyi dziejučy kiraŭnik dziaržavy Redžep Taip Erdahan pieraabrany na novy termin. Pra heta abviaściŭ Vyšejšy vybarčy saviet Turcyi.
Pavodle papiarednich źviestak, Erdahan nabiraje 52,14% hałasoŭ vybarščykaŭ. Jaho supiernik, adziny kandydat ad apazicyi Kiemal Kyłyčdarohłu zaručyŭsia 47,86% hałasoŭ.
Kiemal Kyłyčdarohłu nazvaŭ hetyja vybary adnym z samych niespraviadlivych pieryjadaŭ u historyi krainy i zajaviŭ, što praciahnie svaju apazicyjnuju dziejnaść.