Pad Viciebskam paŭdnia šuhaŭ vialiki pažar na haradskim śmietniku
A druhoj hadzinie nočy 27 maja viciebskija ratavalniki atrymali paviedamleńnie ab pažary na terytoryi palihona cviordych bytavych adchodaŭ HP «Śpiecaŭtabaza». Pažar byŭ vialiki i tušyli jaho paŭsutak.
28.05.2023 / 14:00
Niahledziačy na toje, što dla tušeńnia achoplenaha połymiem śmiećcia zadziejničali ažno 10 adzinak techniki i 28 čałaviek (ź ich 8 adzinak techniki i 21 supracoŭnik MNS), da šostaj hadziny ranicy zona pažaru achoplivała prykładna 1000 kvadratnych mietraŭ.
Paśla taho pažar tušyli da abiedu. Tolki prykładna ŭ 13:30 u telehram-kanale biełaruskaha MNS źjaviłasia paviedamleńnie ab tym, što ratavalniki likvidavali ŭzharańnie śmiećcia na palihonie cviordych bytavych adchodaŭ u Viciebskim rajonie.
Viciebski palihon cviordych kamunalnych adchodaŭ znachodzicca ŭ 2-ch kiłamietrach na ŭschod ad abłasnoha centra i zajmaje płošču ŭ 32 hiektary.
Čytajcie taksama:
Pad Minskam zdaryŭsia mocny pažar