У англійскую Прэм'ер-лігу выйшаў клуб-сенсацыя «Лутан Таўн». Паглядзіце, на якім стадыёне ён гуляе
За пятнаццаць гадоў каманда з прыгараду Лондана прайшла шлях з пятага дывізіёна ў элітны. Іх хатняя арэна ўжо паспела стаць мемам.
27.05.2023 / 23:33
«Кэнілуэрт Роўд» пабудавалі ў 1905 годзе, і з тых часоў, падобна, стадыён не асабліва змяніўся, мяркуючы па фота.
Яго трыбуны бачылі як поспехі — з 1982 па 1992 гады «Лутан» гуляў у Першым дывізіёне (англійскай топ-лізе да стварэння АПЛ) і ўзяў Кубак футбольнай лігі, так і няўдачы — у нулявыя клуб праз фінансавыя праблемы вываліўся у нон-лігі.
Пасля гэта пачаўся доўгі пад'ём «шляпнікаў» на вяршыню англійскага футбола, які быў канчаткова аформлены 27 мая ў серыі пенальці фінала плэй-оф Чэмпіёншыпа (другога дывізіёна) супраць «Ковентры». Цяпер «Лутан» — адзіны клуб, у якога гэта атрымалася.
Цяпер «Ман Сіці», «Арсеналу», «Ліверпулю» і астатнім клубам АПЛ давядзецца ехаць у Лутан і гуляць на 10-тысячным «Кэнілуэрт Роўд», уваход на адну з трыбун якога размешчаны проста ў жылым доме.
У сацсетках называюць стадыён найгоршым у лізе. Але шмат і тых, хто бачыць у гісторыі «шляпнікаў» і іх стадыёна дух сапраўднага футбола, які забілі вялікія грошы.