Найлепшым фільмам Канскага кінафестываля стала «Траекторыя падзення»
Сёння адбылася цырымонія закрыцця прэстыжнага форума, на якой былі ўручаныя «Залатыя пальмавыя галіны».
27.05.2023 / 22:48
«Траекторыя падзення» Жюсцін Трые — гісторыя пра нямецкую пісьменніцу, якая жыве ў Альпах са сваім французскім мужам і сынам-падлеткам, які страціў зрок у аварыі. У адзін момант яе муж выпадае з акна і памірае. Пасля гэтага жанчыну судзяць як галоўную падазраваную.
Гран-пры фестывалю атрымала карціна «Зона інтарэсаў» Джонатана Глэйзера, знятая па матывах аднайменнага рамана Марціна Эміса.
Прыз журы ўзяла стужка «Апалае лісце» рэжысёра Акі Каўрысмякі.
Астатнія трыўмфатары:
- Найлепшая рэжысура — Чан Ань Хун («Рагу Дадэна Буфана»).
- Найлепшы сцэнарый — Юдзі Сакамота, «Монстар» (рэжысёр Хіракадзу Карээда).
- Найлепшая мужчынская роля — Кодзі Якусе («Выдатныя дні», рэжысёр Вім Вендэрс)
- Найлепшая жаночая роля — Мэрвэ Дыздар («Пра сухую траву», рэжысёр Нуры Більге Джэйлан)