Прафсаюзная актывістка Яніна Малаш выйшла на волю
Яна правяла за кратамі больш за год.
27.05.2023 / 21:03
15 лістапада 2022 года палітзняволенай актывістцы Свабоднага прафсаюзу металістаў вынеслі прысуд паводле ч. 1 арт. 342 КК (актыўны ўдзел у дзеяннях, якія груба парушаюць грамадскі парадак) і прызначылі адзін год і шэсць месяцаў калоніі.
Тэрмін палітзняволеная адбывала ў гомельскай жаночай калоніі № 4, адкуль выйшла 27 мая, піша «Вясна».
Яніну ўтрымлівалі ў зняволенні 1 год, 1 месяц і 8 дзён.
Жанчына мае непаўнагадовую дачку.