Ukrainskaj raźviedcy pieradali «kaštoŭnuju infarmacyju» pa vynikach dyviersii ŭ Biełharodskuju vobłaść
U vyniku apieracyi ŭ Biełharodskaj vobłaści, kudy 22 maja pranikli pradstaŭniki Ruskaha dobraachvotnickaha korpusa i lehijona «Svaboda Rasii», była sabranaja važnaja dla ŭkrainskaj raźviedki infarmacyja.
27.05.2023 / 17:48
Pa słovach pradstaŭnika Hałoŭnaha ŭpraŭleńnia raźviedki Minabarony Ukrainy Andreja Jusava, u vyniku apieracyi ŭ Biełharodskaj vobłaści była sabranaja kaštoŭnaja dla ŭkrainskaj vajskovaj raźviedki infarmacyja, jakaja pa zrazumiełych pryčynach nie budzie ahučana.
Adnak častku hetych danych, jakija jon ścisła acharaktaryzavaŭ jak «karol hoły», atrymaŭ uvieś śviet.
Jak rastłumačyŭ Jusaŭ, razmova idzie ab źniasileńni siłavoha aparatu Uładzimira Pucina i ŭraźlivaści Rasii da ŭnutranych udaraŭ.