Leanida Brežnieva pazbavili zvańnia hanarovaha hramadzianina Kijeva
Zvańnie hanarovaha hramadzianina Kijeva było zasnavanaje ŭ 1982 hodzie, i pieršym jaho ŭładalnikam staŭ jakraz hienieralny sakratar CK KPSS, jaki hodam raniej uračysta adkryŭ u Kijevie pomnik Radzima-maci.
25.05.2023 / 14:29
Kijeŭskaja haradskaja rada pazbaviła hienieralnaha sakratara SSSR Leanida Brežnieva zvańnia hanarovaha hramadzianina Kijeva.
Hetaje pytańnie stajała ŭ čacvier na paradku plenarnaha pasiadžeńnia Rady. Paviedamlajecca, što hetaha zvańnia pazbaŭlenyja jašče niekalki dziejačaŭ minułaha, ale pakul niezrazumieła, chto mienavita.
Rašeńnie deputataŭ prymierkavanaje da Dnia Kijeva, jaki adznačajecca štohod u apošniuju niadzielu maja.
Z pačatkam rasijskaj ahresii ŭkrainskija ŭłady na roznych uzroŭniach pravodziać palityku «desavietyzacyi», jakaja ŭklučaje ŭ siabie ŭ tym liku pierajmienavańnie vulic i płoščaŭ u haradach Ukrainy, a taksama demantaž pomnikaŭ, piša Bi-bi-si.
Čytajcie taksama:
Praśpiekt Pieramohi ŭ Kijevie ciapier budzie Bieraściejskim
Ministr kultury Ukrainy vyklučyŭ demantaž manumienta «Baćkaŭščyna-maci» ŭ Kijevie