Cyhanie ŭ Rasii patrabujuć zabaranić termin «infacyhanie» i błakavać resursy, jakija im karystajucca
Kiraŭnik Fiederalnaha ahienctva pa spravach nacyjanalnaściaŭ Ihar Panoŭ zaklikaŭ ŚMI razabracca z terminam «infacyhanie» — na jaho vykarystańnie paskardzilisia Uładzimiru Pucinu padčas pasiadžeńnia Rady pa mižnacyjanalnych adnosinach, piša RBK.
24.05.2023 / 20:55
«Navat nie žadajučy taho, možna pakryŭdzić ceły etnas. My nakiravali ŭ našy vialikija srodki masavaj infarmacyi zvarot dla taho, kab bolš uvažliva da hetaha stavicca, kab nie ŭžyvać padobnych terminaŭ, jakija zakranajuć tuju ci inšuju nacyjanalnaść», — zajaviŭ jon.
Na pasiadžeńni rady na minułym tydni śpiecyjalist u halinie historyi cyhanoŭ Nadzieja Demieter źviarnuła ŭvahu, što błohiery ŭžyvajuć termin «infacyhanie» ŭ dačynieńni da niadobrasumlennych arhanizataraŭ kursaŭ u internecie.
«My ličym takoje staŭleńnie da pradstaŭnikoŭ toj ci inšaj nacyjanalnaści niedapuščalnym ni z punktu hledžańnia marali, ni z punktu hledžańnia zakona», — adznačyła Demieter i paprasiła zakanadaŭča zabaranić hetaje słovazłučeńnie.
«Nieabchodna zabaranić vykarystańnie termina «infacyhanie» ŭ sietcy internet i błakavać resursy», — padkreśliła jana.
Čytajcie taksama:
U Rasii zatrymali viadomuju błohierku Alenu Blinoŭskuju
Prapahandysty zasvoili novy mietad raspaŭsiudžvańnia fejkaŭ: zamiest realnaha sajta stvarajuć kłon