Minabarony Rasii zajaviła, što «zabłakavała i razhramiła» dyviersantaŭ u Biełharodskaj vobłaści
«Padčas kontrterarystyčnaj apieracyi ŭdarami avijacyi, ahniom artyleryi i aktyŭnymi dziejańniami padraździaleńniaŭ prykryćcia Dziaržaŭnaj hranicy Zachodniaj vajskovaj akruhi nacyjanalistyčnyja farmavańni byli zabłakavanyja i razhromlenyja», — havorycca ŭ paviedamleńni viedamstva.
23.05.2023 / 14:22
Śćviardžajecca, što pa terytoryi Ukrainy, kudy adkinuli dyviersantaŭ, praciahvałasia naniasieńnie ahniavoha paražeńnia «da poŭnaj likvidacyi».
Tym časam žurnalisty rasijskaha miedyja RBK adnavili chod učorašnich padziej
Krynicy RBK u rehijanalnym upraŭleńni MUS i ŭ terytaryjalnym addziele palicyi paviedamili, što ataka na Biełharodskuju vobłaść pačałasia u 6:00 22 maja, z masiravanaha abstrełu, u jakim udzielničała ŭ tym liku tankavaje padraździaleńnie.
Da 12:00 praŭkrainskija siły, u tym liku dziesiać adzinak braniatechniki, zajšli ŭ siało Kozinka.
Rasijskija siłaviki pačali reahavać tolki ŭ 13:30, kali na terytoryi prymiežnych rajonaŭ Biełharadskaj vobłaści byŭ uviedzieny sihnał «Hranica».
U Kramli zajavili, što praniknieńnie ŭkrainskaj DRH na terytoryju Biełharodskaj vobłaści vyklikaje hłybokuju zaniepakojenaść i patrabuje vialikich namahańniaŭ.
Čytajcie taksama:
Ukraincy zachapili pamiežny punkt, padyšli da horada Hrajvarana ŭ Biełharodskaj vobłaści