Znajšli haspadara «dyvanamabila», jaki dniami bačyli ŭ Minsku. Što za jon?
Niadaŭna ŭ Minsku zaŭvažyli aŭtamabil Ford z azdableńniem z dyvana. Niezvyčajnaja mašyna pryparkavałasia ŭ piatnicu la ŭvachodu ŭ staličny handlovy centr Dana Mall. A ciapier vydańnie «Anłajnier» znajšło jaho ŭładalnika dy pahavaryła ź im.
22.05.2023 / 22:47
Akazałasia, što dyvanom abklejeny nie tolki kuzaŭ hetaha aŭtamabilad, jon vykarystany i dla azdableńnia ŭnutry sałona: jak minimum tarpieda pakrytaja mienavita hetym materyjałam.
Uładalnikam Ford Escort (darečy, dyzielnaha) akazaŭsia Dźmitryj z Marjinaj Horki. Chłopiec — błohier, raniej jon zdymaŭ i inšyja videa pra mašyny: jon ich padpalvaŭ, padryvaŭ pietardaj, pierakulvaŭ i skidaŭ z krana. A Ford vyrašyŭ prakačać:
«Jon atrymaŭ mianušku Dyvan-samalot. Dva b/u dyvany z adnolkavym malunkam dla jaho my kupili pa abjavach, ukłalisia ŭ 100 rubloŭ. Spačatku dumali zamacavać na samarezy, ale potym pieradumali i vyrašyli vykarystać klej. Pajšoŭ klej-piena. Z padrychtoŭkaj pavierchni nie zahanialisia — dyvan loh prosta na ŁKP. Ź minusaŭ takoha rašeńnia — chiba što machra ad nitak, što tyrčać i łunajuć na vietry, i toje, što malunak na piaredniaj paneli adlustroŭvajecca ŭ łabavym škle.
Ź inśpiektarami jašče nie sustrakalisia, ale samaje papularnaje pytańnie nakont hetaj mašyny: jak reahuje DAI na takuju afarboŭku?»
U Minsku Dźmitryj apynuŭsia nie vypadkova: zdymaŭ karotkija videa dla sacsietak, u tym liku roliki z reakcyjaj vypadkovych minakoŭ.
Čytajcie taksama:
U Minsku z razmacham praviaduć Dzień elektratranspartu
U Minsku zaŭvažyli niezvyčajnuju dla Biełarusi mašynu FOTA
«Aŭtamabil ź niezabyŭnymi emocyjami». Jakija kabryjalety prapanuje biełaruski rynak