Жанчына з дзвюма маткамі нарадзіла двайнят. Шанец на такую цяжарнасць быў 1 на 50 мільёнаў
24-гадовая аўстралійка Мадлен Каклікас доўгі час не магла зацяжарыць праз рэдкае захворванне — падваенне маткі. Па словах медыкаў, шанец зацяжарыць і нарадзіць здаровае дзіця з такой паталогіяй вельмі невялікі. Але ў выніку нарадзілася адразу двое.
20.05.2023 / 17:17
Мадлен з мужам мелі 9 беспаспяховых спроб штучнага апладнення, перш чым плод прыжыўся. Калі пара прыйшла на доўгачаканае УГД, лекарка заўважыла нешта дзіўнае: у абедзвюх матках было па зародку.
Як вынікае, другое дзіця пара зачала натуральным шляхам праз тыдзень пасля ЭКА. «Нам параілі ўстрымацца ад сексу, але мы праігнаравалі рэкамендацыі», — патлумачыла жанчына.
Пацыентка заставалася пад пастаянным наглядам лекараў, але цяжарнасць працякала на дзіва лёгка. Двайняты Нейт і Коўл з'явіліся на свет на 34-м тыдні цяжарнасці.
Чытайце таксама:
З эмбрыёнаў, замарожаных 30 гадоў таму, нарадзіліся блізняты. Гэта новы рэкорд
Творца першых у свеце генна-мадыфікаваных дзяцей распавёў пра іх стан
Якасць мужчынскай спермы катастрафічна падае ва ўсім свеце — новае даследаванне