Kala minskaha fudkorta z treciaha paviercha ŭpała škło i paraniła chłopca
Uviečary 15 maja z treciaha paviercha avaryjnaha budynka pa vulicy Kulman kala fudkorta «Lidbir Dvor» vypała škło z akonnaj ramy. U vyniku hetaha 19-hadovy małady čałaviek atrymaŭ ciažkija cialesnyja paškodžańni.
19.05.2023 / 16:32
Fudkort «Lidbir Dvor». Fota ilustracyjnaje
Budynak raniej byŭ pryznany avaryjnym i z 19 krasavika biahučaha hoda vykonvajucca raboty pa jaho madernizacyi. Ale budaŭniki, nasupierak dziejnamu zakanadaŭstvu nie abharadzili zonu praviadzieńnia niebiaśpiečnych rabot, paviedamiŭ Śledčy kamitet.
Tamu ŭ dačynieńni da 32-hadovaha praraba budaŭničaj arhanizacyi, jaki pavinien byŭ kantralavać vystaŭleńnie aharodžaŭ, zaviali kryminalnuju spravu pa č. 1 art. 303 (parušeńnie praviłaŭ biaśpieki budaŭničych rabot, što paciahnuła pa nieaściarožnaści pryčynieńnie ciažkaha cialesnaha paškodžańnia) Kryminalnaha kodeksa. Pravodziacca śledčyja dziejańni.
Čytajcie taksama:
Pad Viciebskam uzarvali vodanapornuju viežu
Małoje dzicia ŭ Dubroŭnie nahłytałasia batarejek, mahnitaŭ i šrubaŭ