У Нямеччыне звольнілі жонку Шродэра пасля святкавання імі 9 Мая ў пасольстве Расіі
Жонка былога канцлера Нямеччыны Герхарда Шродэра Со Ён Кім-Шродэр страціла працу ў кампаніі NRW.Global Business пасля разам з мужам наведала ўрачысты прыём, арганізаваны 9 мая пасольствам РФ у Нямечыне, паведамляе Bild.
16.05.2023 / 13:42
«Спадарыня Шродэр-Кім звольненая з неадкладным уступленнем у сілу распараджэння, і яе працаўладкаванне ў NRW.GlobalBusiness будзе спынены без папярэджання. Кампанія NRW.Global Business неаднаразова паказвала спадарыні Шродэр-Кім на тое, што прадстаўнікі не павінны публічна выказвацца па палітычна адчувальных пытаннях, асабліва па расійскай агрэсіі ва Украіне», — заявіла прэс-сакратар міністра эканомікі федэральнай зямлі Паўночны Рэйн-Вестфалія Мона Нойбаур.
Прадстаўнік кампаніі паведаміў, што скасаванне працоўных адносін было разгледжана з юрыдычнага пункту гледжання і цяпер гэтая праверка завершана.
Жонка экс-канцлера працавала ў NRW.Global Business як прадстаўнік у Паўднёвай Карэі.
Былы канцлер Нямеччыны Герхард Шродэр разам з жонкай, лідар правапапулісцкай партыі «Альтэрнатыва для Нямеччыны» (AfD) Ціна Далікала і яшчэ некалькі нямецкіх палітыкаў наведалі мерапрыемства, арганізаванае амбасадай Расеі з нагоды 9 Мая.
Шродэр быў канцлерам з 1998 па 2005 год і лідарам СДПН з 1999 па 2004 год. Пасля таго як яго адхілілі ад пасады кіраўніка ўрада, ён шмат гадоў працаваў у расійскіх энергетычных кампаніях і дагэтуль лічыцца за сябра Пуціна.
Чытайце таксама:
«Калі Шродэр быў канцлерам, Пуцін размаўляў з ім як з дзеншчыком»
Ад Герхарда Шродэра сышлі ўсе супрацоўнікі яго бюро экс-канцлера