Zialenski vieryć u pieramohu Ukrainy da vybaraŭ u ZŠA 2024 hoda
Prezident Uładzimir Zialenski prakamientavaŭ mahčymuju stratu vajskovaj padtrymki Ukrainy Złučanymi Štatami paśla prezidenckich vybaraŭ 2024 hoda ŭ Amierycy, zajaviŭšy, što da taho času Ukraina moža vyjhrać vajnu. Pra heta, jak piša «Jeŭrapiejskaja praŭda», jon raspavioŭ u intervju hramadskim viaščalnikam, jakija źjaŭlajucca členami Eurovision News, u pryvatnaści BBC.
11.05.2023 / 11:40
Uładzimir Zialenski. Fota: president.gov.ua
Zialenski adchiliŭ aściarohi z nahody straty padtrymki ZŠA, kali prezident Džo Bajden, jaki paabiacaŭ padtrymlivać Ukrainu stolki, kolki spatrebicca, nie budzie pieraabrany ŭ listapadzie 2024 hoda.
Pa słovach Zialenskaha, Ukraina pa-raniejšamu maje dvuchpartyjnuju padtrymku ŭ Kanhresie ZŠA. Da taho ž prezident ličyć, što Ukraina zdolnaja vyjhrać vajnu da prezidenckich vybaraŭ u ZŠA, jakija adbuducca 5 listapada nastupnaha hoda.
«Chto viedaje dzie my budziem (kali adbuducca vybary). Ja vieru, što da taho času my atrymajem pieramohu», — skazaŭ kiraŭnik dziaržavy.
Zialenski vykazaŭ upeŭnienaść, što ŭkrainskija vajskoŭcy zmohuć prasunucca napierad padčas čakanaha kontrnastupleńnia. Jon papiaredziŭ pra ryzyki «zamarožanaha kanfliktu», na jaki, sa słoŭ Zialenskaha, raźličvaje Rasija.
Nahadajem, eks-prezident ZŠA Donald Tramp, jaki źjaŭlajecca vierahodnym kankurentam Bajdena na vybarach, ličyć, što Złučanyja Štaty akazvajuć zanadta šmat vajennaj dapamohi Ukrainie.
Čytajcie taksama: