На мяжы з Расіяй перакопваюць і завальваюць дрэвамі дробныя дарогі
Пра тое, што дробныя дарогі на памежжы з Расіяй на тэрыторыі Магілёўскай вобласці пачалі рабіць цяжкапераадольныя, паведамляе выданне «Магілёў.Online».
10.05.2023 / 17:59
Фота: mogilev.media
Гэта адбываецца на фоне ўвядзення шчыльнага пашпартнага кантролю на мяжы ўсіх грамадзян, якія прыбываюць у Беларусь з Расіі. Такі кантроль пачаўся 5 мая, хутка пасля серыі дыверсій на чыгуначных шляхах у Бранскай вобласці.
Шматлікія СМІ паведамлялі пра ўзнікненне доўгіх чэргаў з аўтамашын на расійскім баку мяжы. Цяпер жа, верагодна, вырашана перакрыць альтэрнатыўныя шляхі пранікнення ў Беларусь з тэрыторыі Расіі.
Дробнымі дарогамі на памежжы пераважна карыстаюцца мясцовыя жыхары, а таксама кантрабандысты.
Вечарам 9 мая стала з'яўляцца інфармацыя пра чэргі і з адваротнага боку мяжы. Так, «Фонтанка» піша пра чэргі з аўтамабіляў на 4-5 гадзін на трасе з Віцебска праз прапускны пункт Лабок. «Стаю больш за 4 гадзіны — паведаміў выданню адзін з аўтамабілістаў — наперадзе бачная мяжа, белы знак, КПП і за ім 100 метраў прыкладна. Гэта значыць, мяркуючы па колькасці машын наперадзе, яшчэ паўтары-дзве гадзіны стаяць».
Чытайце таксама:
«Такое першы раз бачу». Кіроўцы скардзяцца на чэргі на мяжы пры выездзе з Беларусі ў Расію
На мяжы зноў пачалі ўзмоцнена надглядаць людзей. Прычым не толькі тых, у каго 23.34
КДБ заяўляе, што прадухіліў «адразу некалькі тэрактаў» у Беларусі напярэдадні 9 Мая