Školny prahramist spraviŭ patrebu na pomnik Minskaj jeparchii. Jaho buduć sudzić
Na razhlad u sud nakiravana kryminalnaja sprava ŭ dačynieńni da 24-hadovaha žychara stalicy, jakoha abvinavačvajuć u chulihanstvie, pišuć «Minsk-Naviny».
07.05.2023 / 20:52
Jak raspaviali ahienctvu ŭ prakuratury Centralnaha rajona, poźnim viečaram małady čałaviek špacyravaŭ pa Niamizie, vypiŭšy paŭlitra likioru i 2 litry napoju. Niečakana jamu spatrebiłasia spravić patrebu, i jon ničoha lepšaha nie prydumaŭ, jak zrabić heta na manumient «200 hadoŭ Minskaj jeparchii Fiłareta Mitrapalita Minskaha i Słuckaha Ekzarcha».
Milicyjanty dastavili mužčynu ŭ Centralnaje RUUS, raspačali kryminalnuju spravu.
Abvinavačvany pracuje inžynieram-prahramistam u adnoj sa staličnych škoł, raniej da kryminalnaj adkaznaści nie pryciahvaŭsia.
Jamu inkryminujuć chulihanstva (č. 1 art. 339 KK). Pa hetym artykule moža pahražać da troch hadoŭ pazbaŭleńnia voli.
Z mužčyny ŭziali padpisku ab niavyjeździe i naležnych pavodzinach.