Школьны праграміст справіў патрэбу на помнік Мінскай епархіі. Яго будуць судзіць
На разгляд у суд накіраваная крымінальная справа ў дачыненні да 24-гадовага мінчука сталіцы, якога абвінавачваюць у хуліганстве, пішуць «Мінск-Навіны».
07.05.2023 / 20:52
Як распавялі агенцтву ў пракуратуры Цэнтральнага раёна, познім вечарам малады чалавек шпацыраваў па Нямізе, выпіўшы паўлітра лікёру і 2 літры напою. Нечакана яму спатрэбілася справіць патрэбу, і ён нічога лепш не прыдумаў, як зрабіць гэта на пяреднюю частку манумента «200 гадоў Мінскай епархіі Філарэта Мітрапаліта Мінскага і Слуцкага экзарха».
Міліцыянты даставілі мужчыну ў Цэнтральнае РУУС, распачалі крымінальную справу.
Абвінавачаны працуе інжынерам-праграмістам у адной са сталічных школ, раней да крымінальнай адказнасці не прыцягваўся.
Яму інкрымінуюць хуліганства (ч. 1 арт. 339 КК). Па гэтым артыкуле можа пагражаць да трох гадоў пазбаўлення волі.
З мужчыны ўзялі падпіску аб нявыездзе і належных паводзінах.