Вярнулі ахоўную шыльду на месца, дзе некалі стаяў мінскі касцёл святога Тамаша Аквінскага
Пра тое, што ахоўная шыльда, знесеная ўзімку, нарэшце вярнулася на сваё месца, паведамілі ў фэйсбук-суполцы «Менск у прасторы і часе».
22.04.2023 / 16:42
Фота: facebook.com/groups/Miensk.space.time
Пра тое, што з тэрыторыі колішняга касцёла Святога Тамаша Аквінскага ў Мінску, што стаяў на рагу цяперашніх Інтэрнацыянальнай і Энгельса, знікла ахоўная шыльда, каля двух тыдняў таму напісаў тэлеграм-канал «Спадчына».
Фота: facebook.com/groups/Miensk.space.time
Касцёл Святoга Тамаша Аквінскага — колішні рымска-каталіцкі кляштарны комплекс у Мінску, які быў пабудаваны ў пачатку XVII стагоддзя. Знаходзіўся на Высокім Рынку, займаў плошчу каля 2 га, абмежаваны вуліцамі Дамініканскай, Валоцкай і Юр’еўскай (частка квартала сучаснага Палаца Рэспублікі). Быў знесены савецкімі ўладамі ў 1950 годзе.
Чытайце таксама:
Веткаўскі музей атрымаў у падарунак ад гамяльчанкі старадаўнюю сямейную ікону
Падчас раскопак на Менцы знайшлі артэфакты X-XII стагоддзяў
Беларус прадаў на аўкцыёне каробку ад цукерак з тых часоў, калі Мінск яшчэ быў Менскам