На літоўска-беларускай мяжы затрымалі скрадзены элітны аўтамабіль
На літоўска-беларускай мяжы затрымалі скрадзены Lamborghini Huracan коштам каля 200 тысяч еўра. Яго спрабаваў завезці ў Беларусь 66-гадовы грамадзянін Літвы.
21.04.2023 / 23:19
Фота: vsat.lrv.lt
Літовец перасякаў мяжу ў пункце пропуску «Шумск» на Lamborghini на нямецкіх нумарах. Усе дакументы на машыну былі ў парадку, але пры праверцы літоўскія памежнікі высветлілі, што аўтамабіль лічыцца ўгнаным у Германіі з 4 красавіка гэтага года.
У выніку пачата дасудовае расследаванне па факце набыцця або збыту маёмасці, атрыманай злачынным шляхам. Кіроўцу дапыталі як сведку і адпусцілі.
Чытайце таксама:
У Мілане беларуса абрабавалі і паранілі
Упершыню ў Беларусі за незаконную дзейнасць забралі маршрутку
Кобрынец скраў чужы аўтамабіль, з'ездзіў дахаты, а потым вярнуў машыну на месца