Połacki piŭzavod pradajecca z aŭkcyjonu
Na elektronnaj handlovaj placoŭcy «IPM-Tarhi» raźmiaścili abjavu ab prodažy z aŭkcyjonu zavoda «Połackija napoi i kancentraty», bolš viadomaha jak Połacki piŭzavod.
01.04.2023 / 18:10
Piŭzavod źjaŭlajecca dziejnym pradpryjemstvam i pradajecca jak majomasny kompleks. Pačatkovy košt łota składaje 3,2 miljona rubloŭ, abo 1,1 miljona dołaraŭ. Pradaŭcom vystupaje adkrytaje akcyjaniernaje tavarystva «Biełsoład».
Tarhi pryznačanyja na 4 krasavika. Pakupnik pavinien budzie pakryć kredytorskuju zapazyčanaść pradpryjemstva pierad AAT «Biełsoład» u termin, nie paźniejšy za 36 miesiacaŭ z daty zaklučeńnia dahavora kupli-prodažu, šlacham štomiesiačnaha pahašeńnia zapazyčanaści roŭnymi dolami.
Taksama pakupnik abaviazany zaklučyć z AAT «Biełsoład» damovu kupli-prodažu abstalavańnia, nabytaha tavarystvam dla hetaha pradpryjemstva.
Letaś Połacki piŭzavod adznačyŭ 50-hoddzie. U asartymiencie jaho pradukcyi — piva, kancentrat kvasnoha susła, soładavyja ekstrakty. U apošni čas pradpryjemstva aktyŭna raźvivała ŭłasnuju handlovuju sietku.
Čytajcie taksama:
Z čacviortaha razu pradali staruju panskuju siadzibu ŭ Hancavickim rajonie
Tapuzidzis nabyŭ haścinicu «Słavianskaja» ŭ Minsku
U Sieńnienskim rajonie vystavili na prodaž reštki majontka, u jakim niekali pracavaŭ Janka Kupała