Na Palessi pastaviać pomnik Karžu
U Pinskim rajonie ŭ hetym hodzie źbirajucca pastavić pomnik viadomamu partyzanskamu kamandziru Vasilu Karžu. Eskiz pomnika ŭžo prajšoŭ usie nieabchodnyja ekśpiertyzy.
31.03.2023 / 17:04
Fota: Pinski rajvykankam
Pomnik-biust budzie stajać u vioscy Stavok niepadalok ad taho miesca, dzie 28 červienia 1941 hoda adbyŭsia pieršy partyzanski boj.
Paviedamlajecca, što zakazčykam pomnika vystupiła sielhaspradpryjemstva «Stavokskaje». Dakumienty pa budučaj skulptury prachodzili ŭzhadnieńni z roznymi ministerstvami i viedamstvami.
29 sakavika prajekt byŭ kančatkova zacvierdžany Bresckaj abłasnoj radaj manumientalnaha i manumientalna-dekaratyŭnaha mastactva.
Eskiz budučaha biusta źbirajecca ŭvasobić u žyćcio brescki skulptar Pavieł Hierasimienka. Za jaho asnovu ŭziaty vobraz ź viadomaj fatahrafii Vasila Karža padčas partyzanskaha parada ŭ Pinsku ŭ lipieni 1944 hoda.
Viadomy biełaruski śpiavak Maks Korž, darečy, daloki svajak partyzanskaha kamandzira. Vasil Korž jahony stryječny pradzied.
Čytajcie taksama:
U Zelvie źnieśli pomnik Łarysie Hienijuš
U Hrodnie budujuć kopiju Kałožskaj carkvy
U Navahrudku moža źjavicca pomnik kniaziu Mindoŭhu
U Mahilovie źbirajuć hrošy na pomnik rasijskamu hubiernataru