Biełaruskich spartśmienaŭ nie dapuściać na Jeŭrapiejskija hulni ni pry jakich umovach
Pradstaŭnik arhkamiteta trecich Jeŭrapiejskich hulniaŭ, jakija projduć sioleta ŭ Polščy, Marcin Novak paviedamiŭ, što biełaruskija i rasijskija spartśmieny nie buduć dapuščanyja na hety turnir ni pry jakich umovach.
30.03.2023 / 19:41
«Spartśmieny, jakija pradstaŭlajuć Rasiju i Biełaruś, nie buduć brać udzieł u našych hulniach ni na jakoj padstavie i ni pry jakich abstavinach», — cytuje spartyŭnaha čynoŭnika Radyjo RMF.
Pierad hetym 28 sakavika kiraŭnik Mižnarodnaha alimpijskaha kamiteta Tomas Bach paviedamiŭ, što pry peŭnych umovach biełaruskich i rasijskich spartśmienaŭ mohuć dapuskać da mižnarodnych startaŭ. Spartyŭnym fiederacyjam i arhanizacyjam dali prava samim prymać rašeńni ŭ kožnym vypadku indyvidualna.
Trecija Jeŭrapiejskija hulni ŭ 2023 hodzie prymuć polski Krakaŭ i šerah haradoŭ Małapolskaha vajavodstva. U alimpijskich vidach sportu atlety atrymajuć mahčymaść dla kvalifikacyi na Alimpijadu 2024 hoda ŭ Paryžy.
Papiarednija Jeŭrapiejskija hulni ŭ 2019 hodzie prymaŭ Minsk, ale adbyvałasia heta ŭ zusim inšych palityčnych abstavinach.
Čytajcie taksama:
Dyk ci pajedzie Niedasiekaŭ na Alimpijadu? Voś čaho čakać ad asłableńnia spartovaha banu