Памочнік Лукашэнкі: Трэба каб у чэрвені на прылаўках была ўжо беларуская бульба
Такое меркаванне выказаў памочнік Лукашэнкі — інспектар па Гомельскай вобласці Сяргей Барташ пры наведванні Гомельскай абласной сельскагаспадарчай доследнай станцыі Нацыянальнай акадэміі навук Беларусі, піша БелТА.
30.03.2023 / 15:06
«На сёння бачым патэнцыял вырошчвання бульбы. Трэба больш актыўна падключаць навуку, якая дапаможа вызначыць валаўтваральныя прадпрыемствы па вырошчванні бульбы, і сумесна выйсці на тыя аб'ёмы, якія неабходныя. І каб мець на прылаўках беларускую маладую бульбу ўжо ў чэрвені», — растлумачыў ён.
Таксама ён звярнуў увагу на асартымент беларускай цыбулі.
«Навошта нам закупляць дарагую чырвоную ці белую цыбулю з-за межаў краіны, бо тэхналогія вырошчвання не адрозніваецца? Мы можам вырасціць самі. Проста трэба спрацаваць з нарыхтоўшчыкамі, гандлёвымі сеткамі па аб'ёмах вытворчасці, каб пасеяць і забяспечыць унутраны рынак», — зазначыў Сяргей Барташ.
Мінтай, хек, скумбрыя… Якую рыбу любяць беларусы і адкуль яе прывозяць?