63-hadovaha piensijaniera z Rasii, jaki žyŭ u Biełarusi, asudzili da siami hadoŭ turmy za dva antyvajennyja kamientaryi
Cimirazieŭski sud Maskvy asudziŭ Michaiła Simanava da siami hadoŭ turmy pavodle spravy ab «fejkach» pra rasijskuju armiju. Prakuratura zapytvała dla Simanava anałahičnaje pakarańnie, paviedamlaje Bi-bi-si.
30.03.2023 / 14:33
Michaił Simanaŭ. Fota Alaksandra Astachava
Pa viersii śledstva, piensijanier pakinuŭ va ŭkantakcie dva kamientaryi: «Zabivajučy dziaciej i žančyn, pa «Pieršym kanale» śpiavajem my pieśni. My, Rasija, stali biazbožnikami. Prabač nas, Hospadzie!» i «Rasijskija lotčyki bambiać dziaciej».
Padčas pasiadžeńnia suda Simanaŭ patłumačyŭ, što nie źbiraŭsia abražać rasijskaje vojska i nie viedaŭ, što jaho akaŭnt va ŭkantakcie adkryty dla ŭsich karystalnikaŭ. Taksama mužčyna paviedamiŭ, što «nie ličyŭ siabie cikavaj dla kahości asobaj».
Simanaŭ apošnija hady pracavaŭ dyrektaram vahona-restarana ŭ ciahnikach dalokaha śledavańnia i žyŭ u Biełarusi.
Jaho zatrymali 9 listapada minułaha hoda, kali jon pa spravach pryjechaŭ u Maskvu.