Biełarusbank źniziŭ staŭki pa kredytach na žyllo
Biełarusbank abviaściŭ, što staŭka pa raniej atrymanych kredytach na finansavańnie nieruchomaści źmianšajecca. Heta robicca ŭ suviazi sa źmianšeńniem Nacyjanalnym bankam staŭki refinansavańnia.
29.03.2023 / 17:34
Novaja staŭka składzie 16,31% hadavych, pryčym nie važna, z užyvańniem fiksavanaj staŭki vy brali kredyt abo źmiennaj. Kab atrymać źnižku, nieabchodna zaklučyć dadatkovaje pahadnieńnie da kredytnaj damovy, pahadziŭšysia z afiertaj, raźmieščanaj na karparatyŭnym sajcie banka.
Pacviardžeńniem pryniaćcia afierty źjaŭlajecca ŭniasieńnie čarhovaha płaciažu pa vypłacie pracentaŭ za karystańnie kredytam u źmienienym pamiery.
Sioleta staŭki pa ipatečnych kredytach Biełarusbank užo źnižaŭ niekalki razoŭ — uśled za pamianšeńniem pamieru klučavoj staŭki Nacbankam.
Staŭka refinansavańnia źnizicca z 11% da 10,5% hadavych z 3 krasavika. Adpaviednaje rašeńnie rehulatar pryniaŭ 24 sakavika 2023 hoda. Padstavaj dla rašeńnia było nazvana źnižeńnie inflacyi, jakaja «praciahvaje farmavacca pablizu čakanaj trajektoryi».
Čytajcie taksama:
Za kolki ŭ siarednim pradavalisia adnuški ŭ Minsku? Mnohija ź ich skuplali inšaharodnija