Сахашчык: Мы павінны нешта зрабіць, каб расійскім войскам у Беларусі стала вельмі некамфортна
Прадстаўнік Аб’яднанага пераходнага кабінета ў справе абароны і нацыянальнай бяспекі Валерый Сахашчык даў першы каментар на навіну, што Расія прыняла рашэнне размясціць у Беларусі тактычную ядзерную зброю.
26.03.2023 / 00:52
«Гэтая заява азначае, што Пуцін хоча далей палохаць увесь свет, трымаць у напружанні,— сказаў Сахашчык, каментуючы навіну для тэлеканала «Белсат». — Я не думаю, што Пуцін здольны выкарыстаць такую зброю, але ўзровень небяспекі становіцца значна вышэйшы. І трэба будзе нешта нам рабіць, бо гэта ўжо зусім нядобра. Калі на гэта ідзе Лукашэнка, то ён падвяргае вялікай рызыцы народ Беларусі, і ён павінен за гэта адказаць напэўна. Гэта адназначна эскалацыя канфлікту».
«Мы павінны пачаць рабіць нейкія крокі, каб расійскім войскам у Беларусі стала вельмі некамфортна, каб у іх не было вялікага жадання тут знаходзіцца», — зазначыў прадстаўнік Аб’яднанага кабінету.
І гэта, на яго думку, мусіць быць нешта большае да дыверсію ў Мачулішчах.
Чытайце таксама:
Расія па просьбе Лукашэнкі размесціць у Беларусі ядзерную зброю
Брытанія перадасць Украіне бранябойныя боепрыпасы са збедненым уранам