Pucin i Erdahan abmierkavali situacyju va Ukrainie
Va ŭpraŭleńni pa suviaziach Administracyi prezidenta Turcyi paviedamili, što prezidenty Rasii i Turcyi pahavaryli pa telefonie.
25.03.2023 / 15:13
Redžep Taip Erdahan i Uładzimir Pucin. Fota: Vyacheslav Prokofyev, Sputnik, Kremlin Pool Photo via AP
Padčas pieramovaŭ jany abmierkavali «kroki dla dalejšaha raźvićcia turecka-rasijskich suviaziaŭ, a taksama apošniaje raźvićcio padziej vakoł rasijska-ŭkrainskaj vajny«, piša «Anadału».
Erdahan padziakavaŭ Pucinu za «pazityŭnuju pazicyju» pa praciahnieńni terminaŭ čarnamorskaj zbožžavaj inicyjatyvy. Turecki kiraŭnik taksama adznačyŭ, što Ankara vystupaje za bolš chutkaje spynieńnie bajavych dziejańniaŭ va Ukrainie i mirnyja pieramovy kanfliktujučych bakoŭ.
U Kramli pakul tolki pacvierdzili, što razmova pamiž prezidentami RF i Turcyi adbyłasia.