Palitźniavolenamu anarchistu dadali da 20 hadoŭ jašče 11 miesiacaŭ
U Vaŭkavysku adbyŭsia sud nad palitźniavolenym anarchistam Siarhiejem Ramanavym pavodle č. 2 art. 411 KK — złosnaje niepadparadkavańnie patrabavańniam administracyi papraŭčaj ustanovy. Suddzia Mikałaj Tałaška pryznačyŭ Siarhieju 11 miesiacaŭ kałonii, piša «Viasna».
23.03.2023 / 22:14
Takim čynam, ahulny termin dla Ramanava skłaŭ 20 hadoŭ i 11 miesiacaŭ pazbaŭleńnia voli.
Palitviazień byŭ zatrymany 29 kastryčnika 2020 hoda. 22 śniežnia 2021 hoda Minski abłasny sud pryznačyŭ jamu 20 hadoŭ kałonii.
Z kanca maja 2022 hoda Siarhiej adbyvaŭ termin u vaŭkavyskaj kałonii №11, dzie na jaho ŭvieś čas akazvali cisk: nieadnarazova adpraŭlali ŭ ŠIZA, a niadaŭna na 4 miesiacy adpravili ŭ pamiaškańnie kamiernaha typu (PKT).