38 krain ABSJe pierazapuścili Maskoŭski miechanizm u dačynieńni da Biełarusi
23 sakavika 38 krain-udzielnic ABSJe vystupili z sumiesnaj zajavaj, u jakoj abviaścili pra paŭtorny zvarot da Maskoŭskaha miechanizmu ŭ suviazi z parušeńniami pravoŭ čałavieka ŭ Biełarusi.
23.03.2023 / 19:11
U zajavie havorycca, što krainy, jakija padpisali zvarot, zaniepakojenyja «žudasnym i pastajannym paharšeńniem situacyi z pravami čałavieka ŭ Biełarusi», zadakumientavanymi ŭ dakładzie Viarchoŭnaha kamisara AAN pa pravach čałavieka, pradstaŭlenym 22 sakavika 2023 hoda.
Maskoŭski miechanizm u dačynieńni da Biełarusi ŭžo zapuskali ŭ 2020 hodzie, režym Łukašenki całkam praihnaravaŭ hetyja rekamiendacyi, adznačajecca ŭ zajavie.
«Bolš za toje, biełaruskija ŭłady raspačali dalejšyja dziejańni, jakija paharšajuć i pašyrajuć našu zakłapočanaść z nahody vykanańnia Biełarussiu abaviazacielstvaŭ u halinie čałaviečaha vymiareńnia ŭ ramkach ABSJe, u tym liku za košt sadziejničańnia ahresiŭnaj vajnie Rasii suprać Ukrainy», — havorycca ŭ zajavie
«Maskoŭski miechanizm» ABSJe — mietad pracy ABSJe ŭ halinie čałaviečaha vymiareńnia, zacvierdžany ŭ 1991 hodzie. Jon praduhledžvaje mahčymaść nakiravańnia ekśpiertnych kamisij dla nadańnia dziaržavam-udzielnicam dapamohi ŭ vyrašeńni kankretnych pytańniaŭ abo prablem, źviazanych z čałaviečym vymiareńniem.
Čytajcie taksama: