Łabaratoryi Synevo kančatkova pierajšli pad rasijski Helix
Sietka miedycynskich łabaratoryj Synevo ŭ Biełarusi kančatkova pierajšła pad kiravańnie rasijskaj Helix. Łabaratornyja punkty stali mianiać šyldy, ciapier tam paznačanyja adrazu dva brendy, napisała Tochka.by.
23.03.2023 / 18:59
Jak paviedamili žurnalistu Tochka.by u infarmacyjnaj słužbie sietki, praces pierachodu pad kiravańnie Helix pačaŭsia jašče ŭ lutym.
«Pastupova ŭsio idzie. Mianiajucca šyldy. Ale pracujem jak raniej, usie pasłuhi zachoŭvajucca», — adznačyła supracoŭnica kampanii.
Na pytańnie, što źmianiłasia ŭ pracy łabaratoryj, adkazali, što «tolki reaktyvy dla praviadzieńnia analizaŭ buduć rasijskija».
Punktaŭ ža łabaratoryi nibyta nie tolki nie stanie mienš, ale płanujecca adkryvać jašče i dadatkovyja.
Čytajcie taksama: