Praź niekalki dzion paśla pačatku mabilizacyi z Rasii na čartary palacieli 250 daktaroŭ. Jaho apłaciŭ miljarder sa śpisu Forbes
U vieraśni 2022 hoda praź niekalki dzion paśla pačatku mabilizacyi Rasiju na čartarnym rejsie pakinuli adrazu 250 daktaroŭ, jakija aścierahalisia adpraŭki va Uzbrojenyja siły.
21.03.2023 / 15:32
Pavodle źviestak žurnalistaŭ, rejs arhanizavaŭ «znakamity doktar». Lekary, jakija lacieli na samalocie, zapłacili za hetuju mahčymaść pa 40 tysiač rasijskich rubloŭ (bolš za 500 dalaraŭ), a astatnija nieabchodnyja dla vykupu čartaru hrošy dadaŭ niejki rasijski miljarder sa śpisu Forbes, jaki inviestuje ŭ sfieru ličbavych technałohij. Imiony arhanizatara rejsa i bizneśmiena nie raskryvajecca pa mierkavańniach biaśpieki.
U jakaści pryčyny dla vyletu za miažu arhanizatary rejsa prydumali lehiendu pra miedyčny kanhres u Jerevanie. Usim pasažyram razdali nadrukavanyja zaprašeńni na nieisnujučy Kanhres, a taksama natatniki i ručki ź jaho łahatypam.
Za dzień da vyletu vyśvietliłasia, što pierahružany samalotami z Rasii aeraport Jerevana bolš nie prymaje čartarnyja rejsy. Tady arhanizatary vyrašyli lacieć u Kazachstan — im daviałosia pieradrukavać zaprašeńni i atrybutyku. Bort palacieŭ u Astanu 27 vieraśnia.
Paśla abviaščeńnia ab mabilizacyi Rasiju, pavodle roznych acenak, pakinuli ad niekalkich sotniaŭ tysiač da bolš čym miljona čałaviek. Čaściej za ŭsio jany źjazdžali ŭ Kazachstan, Hruziju, Armieniju i Turcyju.